ZARA TOURS YANG'ARA TENA KWENYE TUZO ZA SERENGETI, NA KUPANUA MFUMO WAKE WA HESHIMA ZA KIMATAIFA


Kampuni ya utalii ya Zara Tours ya mjini Moshi kwa mara nyingine imethibitisha uongozi wake katika sekta ya utalii nchini Tanzania baada ya kujinyakulia tuzo nyingine ya heshima kwenye tuzo za Serengeti, na kuendeleza msururu wa heshima ambao kampuni hiyo imekuwa ikijipatia karibu kila mwaka. 


Tuzo hiyo ni miongoni mwa tuzo 51 zilizotolewa wakati wa hafla ya utoaji wa tuzo za Serengeti iliyofanyika usiku wa kuamkia jana kwenye hoteli ya Mount Meru jijini Arusha, hafla iliyowakutanisha wadau wakuu wa utalii kutoka Tanzania na nje ya nchi.

 

Naye Mgeni Rasmi Waziri wa Fedha Dkt.Mwigulu Nchemba ameipongeza sekta ya utalii kwa mchango wake mkubwa katika kukuza uchumi wa taifa, kutengeneza fursa za ajira na kuitangaza Tanzania duniani.

Akizungumza mara baada ya kukabidhiwa tuzo hiyo, Mkurugenzi wa Zara Tours, Bi. Zainabu Ansell alisema mafanikio hayo yanadhihirisha uchapakazi, ari ya pamoja na ushirikiano wa karibu kati ya serikali na wadau wa sekta binafsi hususan katika ulinzi na uendelezaji wa vivutio vya taifa kama vile Mlima Kilimanjaro. 


“Mafanikio yanayoonekana ya Mlima Kilimanjaro ni ushahidi tosha wa kazi kubwa inayofanywa na serikali kwa kushirikiana na wadau wa utalii,” alisema Bi Zainabu. "Mazingira ya mlima yameboreshwa sana, huduma zimeimarishwa, na usalama umeongeza sana kuwapa wageni uzoefu wa kipekee." 



Aliongeza kuwa maboresho haya yameendelea kuinua Mlima Kilimanjaro kama alama ya kimataifa, na kuiweka Tanzania kama moja ya sehemu zinazoongoza kwa utalii wa mlima Afr. na duniani kote.


Kwa mujibu wa mkurugenzi huyo, kuongezeka kwa idadi ya wapanda mlima Kilimanjaro kumekuza kwa kiasi kikubwa sekta ya utalii na kuongeza pato la taifa huku makampuni kama Zara Tours yakichangia pakubwa katika kuhakikisha wageni wanapata huduma za kiwango cha kimataifa.

 "Ninajivunia sana mafanikio haya.

 Leo ni siku ya kusherehekea jinsi tumefika," alisisitiza. "Mimi na timu yangu tumejitolea kikamilifu kuinua viwango vya kitaaluma, kukumbatia uvumbuzi, na kuvutia wageni zaidi kupata uzoefu wa kupanda Mlima Kilimanjaro." 


Bi. Zainabu alisisitiza dhamira ya Zara Tours ya kuendelea kuwa mshirika wa karibu wa serikali katika kukuza utalii endelevu, uhifadhi wa mazingira, na kuiweka Tanzania kwenye majukwaa ya utalii ya kimataifa. Tuzo za Serengeti zinalenga kutambua na kuenzi taasisi, makampuni na watu binafsi waliotoa mchango mkubwa katika kukuza na kuendeleza sekta ya utalii nchini Tanzania.




Maoni

Chapisha Maoni

Machapisho maarufu kutoka blogu hii

WAGOMBEA,WANACHAMA WA CCM VILIO JUU YA KURA ZA MAONI HAI

Picha
Hai. Mchakato wa kura za maoni wa Chama Cha Mapinduzi (CCM) katika Jimbo la Hai, Kilimanjaro, umelalamikiwa na baadhi ya wagombea na wanachama wakidai umejaa dosari ikiwemo rushwa, usafirishaji wa wajumbe na upendeleo wa wazi kutoka kwa baadhi ya viongozi. Wanachama hao wamedai kuwa licha ya chama kuwa na utaratibu wa kuhakikisha uchaguzi wa ndani unasimamiwa kwa haki, wilayani Hai kulikuwa na changamoto nyingi zenye kuondoa uhalali wa mchakato huo. Baadhi ya hoja zilizotolewa ni pamoja na majina ya wajumbe halisi kutokuwa bayana, kuruhusiwa kwa wajumbe wasio halali, huku wengine wakidaiwa kupiga kura zaidi ya mara moja. Aidha, makatibu wa kata walitajwa kushiriki kampeni za kumpigia debe aliyekuwa Mbunge wa Hai, Saashisha Mafuwe. Katika Kata ya Machame Kaskazini, Katibu wa Kata, Silaa, alisimamishwa baada ya kudaiwa kuandika barua kwa makanisa na misikiti akihimiza wananchi kumpigia kura Mafuwe. Inadaiwa kuwa katika kata za Masama, Rundugai na Machame Mashariki, walikamatwa watu wakiw...
Endelea kusoma

BARAZA LA ARDHI LAFUTA KESI YA ARDHI KUTOKANA NA DOSARI ZA KISHERIA

Picha
Katika maombi hayo namba 83/2025 yalifunguliwa na Chemli Mallya dhidi ya Anna Mallya (ambaye ni shemeji yake),mgogoro unaotajwa kuwepo kwa zaidi ya miaka 10 tangu mume wa Anna ambaye ni kaka wa Chemli, Mathias Mallya,aliyefariki mwaka 2010 Moshi.Baraza la Ardhi na Nyumba la Wilaya ya Moshi limelifuta shauri la ardhi linalowahusisha wanaukoo wa Mallya baada ya kubaini kuwa mleta maombi alikiuka amri ya awali ya marekebisho ya hati ya maombi. Uamuzi huo umetolewa Februari 24,2026 na Mwenyekiti wa Baraza hilo,Hussen Lukeha, baada ya kukubaliana na pingamizi la awali lililowasilishwa na mjibu maombi. Shauri hilo la maombi namba 83/2025 lilifunguliwa na Chemli Mallya ambaye ni mkazi wa Kijiji cha Sisamaro, Kata ya Kibosho Okaoni,Wilaya ya Moshi Mkoa wa Kilimanjaro,mgogoro uliodumu kwa zaidi ya miaka 10. Mjibu maombi katika shauri hilo ni Anna Midimito, mjane wa marehemu Mathias Mallya aliyefariki mwaka 2010, ambaye alikuwa mdogo wa mleta maombi,Chemli Mallya. Akitoa uamuzi huo Mwenyekiti hu...
Endelea kusoma

TAWIRI YAWAKARIBISHA WADAU KUFANYA TAFITI KATIKA SPISHI MUHIMU YA SOKWE

Picha
Mkurugenzi wa Kituo cha Utafiti wa Wanyamapori Magharibi kilichopo Kigoma ambacho ni miongoni mwa vituo vitano vya TAWIRI, *Dr. Angela Mwakatobe* ametoa wito kwa watafiti na wadau kuendeleza mashirikiano ya tafiti za wanyamapori hususani spishi muhimu ya sokwe pamoja na kusambaza matokeo ya tafiti hizo kwa umma ili kuwa na uhifadhi endelevu wa sokwe hapa nchini. Dkt. Mwakatobe amesema hayo wakati wa ziara ya Kamati ya MeiMosi 2025 kutoka TAWIRI Makao Makuu iliyofanyika katika Hifadhi ya Taifa Gombe, ikiwa ni safari ya pongezi kutoka kwa Mkurugenzi Mkuu TAWIRI baada ya kamati hiyo kufanya maandalizi na mikakati iliyopelekea TAWIRI kushinda Kombe la Mshindi wa Pili katika maadhimisho ya sherehe ya MeiMosi 2025 mkoa wa Arusha. Aidha, Dkt. Mwakatobe amebainisha kuwa tafiti endelevu za Sokwe ni muhimu kwani wapo hatarini kutoweka (endangered) kufuatia idadi yao kupungua kwa kasi hali ikisababishwa na uharibifu mkubwa wa makazi yao ya asili.  “Sokwe wana umuhimu mkubwa katika uwian...
Endelea kusoma