RC MAKALLA AWAHAKIKISHIA USALAMA WANANCHI WA ARUSHA


Mkuu wa Mkoa wa Arusha Mhe. CPA Amos Gabriel Makalla amewahakikishia usalama na utulivu wananchi wa Mkoa wa Arusha, akiwataka kuendelea na shughuli zao na kusema Vyombo vya ulinzi na usalama vipo tayari muda wote kuwalinda wao na mali zao.


Mhe. Makalla amebainisha hayo leo Jumatatu Disemba 08, 2025, wakati akizungumza na wananchi wanaoishi kwenye Mpaka wa Namanga, Wilayani Longido, unaounganisha Tanzania na Kenya, mara baada ya Kikao cha ujirani mwema cha Kamati za usalama za Mikoa ya Arusha na Rift Valley ya nchini Kenya.


"Nipo hapa kuwahakikishia Serikali na Vyombo vyote vya ulinzi na usalama vipo tayari kuwalinda Watanzania na mali zao zote na kwa maana hiyo kesho wana Arusha endeleeni na kazi zenu kama kawaida. Ni mapumziko lakini kazi za kiuchumi ziendelee kama kawaida kwani marufuku iliyopigwa ni ya maandamano." Amesema Mhe. Makalla



Akisisitiza wajibu wa serikali katika kulinda raia na mali zao, Mhe. Makalla pia amewahimiza Wananchi wanaoishi kwenye eneo hilo la mpaka kutoka Kenya na Tanzania kuwa mabalozi wa amani kwa kulinda amani na kutoa taarifa za matukio ya uvunjifu wa amani katika mpaka huo muhimu kwa uchumi wa Tanzania pamoja na Kenya.


Maoni

Chapisha Maoni

Machapisho maarufu kutoka blogu hii

WAGOMBEA,WANACHAMA WA CCM VILIO JUU YA KURA ZA MAONI HAI

Picha
Hai. Mchakato wa kura za maoni wa Chama Cha Mapinduzi (CCM) katika Jimbo la Hai, Kilimanjaro, umelalamikiwa na baadhi ya wagombea na wanachama wakidai umejaa dosari ikiwemo rushwa, usafirishaji wa wajumbe na upendeleo wa wazi kutoka kwa baadhi ya viongozi. Wanachama hao wamedai kuwa licha ya chama kuwa na utaratibu wa kuhakikisha uchaguzi wa ndani unasimamiwa kwa haki, wilayani Hai kulikuwa na changamoto nyingi zenye kuondoa uhalali wa mchakato huo. Baadhi ya hoja zilizotolewa ni pamoja na majina ya wajumbe halisi kutokuwa bayana, kuruhusiwa kwa wajumbe wasio halali, huku wengine wakidaiwa kupiga kura zaidi ya mara moja. Aidha, makatibu wa kata walitajwa kushiriki kampeni za kumpigia debe aliyekuwa Mbunge wa Hai, Saashisha Mafuwe. Katika Kata ya Machame Kaskazini, Katibu wa Kata, Silaa, alisimamishwa baada ya kudaiwa kuandika barua kwa makanisa na misikiti akihimiza wananchi kumpigia kura Mafuwe. Inadaiwa kuwa katika kata za Masama, Rundugai na Machame Mashariki, walikamatwa watu wakiw...
Endelea kusoma

BARAZA LA ARDHI LAFUTA KESI YA ARDHI KUTOKANA NA DOSARI ZA KISHERIA

Picha
Katika maombi hayo namba 83/2025 yalifunguliwa na Chemli Mallya dhidi ya Anna Mallya (ambaye ni shemeji yake),mgogoro unaotajwa kuwepo kwa zaidi ya miaka 10 tangu mume wa Anna ambaye ni kaka wa Chemli, Mathias Mallya,aliyefariki mwaka 2010 Moshi.Baraza la Ardhi na Nyumba la Wilaya ya Moshi limelifuta shauri la ardhi linalowahusisha wanaukoo wa Mallya baada ya kubaini kuwa mleta maombi alikiuka amri ya awali ya marekebisho ya hati ya maombi. Uamuzi huo umetolewa Februari 24,2026 na Mwenyekiti wa Baraza hilo,Hussen Lukeha, baada ya kukubaliana na pingamizi la awali lililowasilishwa na mjibu maombi. Shauri hilo la maombi namba 83/2025 lilifunguliwa na Chemli Mallya ambaye ni mkazi wa Kijiji cha Sisamaro, Kata ya Kibosho Okaoni,Wilaya ya Moshi Mkoa wa Kilimanjaro,mgogoro uliodumu kwa zaidi ya miaka 10. Mjibu maombi katika shauri hilo ni Anna Midimito, mjane wa marehemu Mathias Mallya aliyefariki mwaka 2010, ambaye alikuwa mdogo wa mleta maombi,Chemli Mallya. Akitoa uamuzi huo Mwenyekiti hu...
Endelea kusoma

TAWIRI YAWAKARIBISHA WADAU KUFANYA TAFITI KATIKA SPISHI MUHIMU YA SOKWE

Picha
Mkurugenzi wa Kituo cha Utafiti wa Wanyamapori Magharibi kilichopo Kigoma ambacho ni miongoni mwa vituo vitano vya TAWIRI, *Dr. Angela Mwakatobe* ametoa wito kwa watafiti na wadau kuendeleza mashirikiano ya tafiti za wanyamapori hususani spishi muhimu ya sokwe pamoja na kusambaza matokeo ya tafiti hizo kwa umma ili kuwa na uhifadhi endelevu wa sokwe hapa nchini. Dkt. Mwakatobe amesema hayo wakati wa ziara ya Kamati ya MeiMosi 2025 kutoka TAWIRI Makao Makuu iliyofanyika katika Hifadhi ya Taifa Gombe, ikiwa ni safari ya pongezi kutoka kwa Mkurugenzi Mkuu TAWIRI baada ya kamati hiyo kufanya maandalizi na mikakati iliyopelekea TAWIRI kushinda Kombe la Mshindi wa Pili katika maadhimisho ya sherehe ya MeiMosi 2025 mkoa wa Arusha. Aidha, Dkt. Mwakatobe amebainisha kuwa tafiti endelevu za Sokwe ni muhimu kwani wapo hatarini kutoweka (endangered) kufuatia idadi yao kupungua kwa kasi hali ikisababishwa na uharibifu mkubwa wa makazi yao ya asili.  “Sokwe wana umuhimu mkubwa katika uwian...
Endelea kusoma