MSTAHIKI MEYA AZINDUA MAONESHO YA BODI YA MIKOPO (HESLB) KANDA YA KASKAZINI.


Mstahiki Meya wa Jiji la Arusha Mhe.Maxmillian Iranqhe amezindua maonesho ya Bodi ya Mikopo(HESLB) kanda ya Kaskazini ambayo makao yake makuu ni Jijini Arusha. Mhe.Iranqhe ameongoza zoezi hilo akimuwakilisha Mkuu wa Mkoa wa Arusha,Mhe. Paul Makonda.

Akizungumza kwa niaba ya Mkuu wa Mkoa wa Arusha,Mhe. Iranqe ameipongeza bodi hiyo ya mikopo kwa kutimiza miaka 20 toka ianzishwe.

Mhe. Iranqhe amesema bodi ya mikopo imetimiza miaka 20 huku ikiwa imeisaidia jamii ya Watanzania wengi maskini kwa kupata elimu ya juu,imeongeza idadi ya wasomi nchini na wataalamu wa fani mbalimbali ambapo tangu kuanzishwa kwake hadi kufikia mwaka huu wa masomo wa 2024/2025 ,bodi hii imewezesha takribani Wanufaika zaidi ya laki nane kupata elimu katika ngazi ya vyuo vikuu na vyuo vya kati.


Aidha,bodi imeboresha mifumo yake yenyewe ya utoaji na urejeshaji wa mikopo ya wanafunzi kutoka kutumia nakala ngumu kuomba mkopo hadi sasa kutumia njia ya mfumo(online system)kuomba mkopo,kupanga mikopo na kurejesha mikopo hiyo.

Mhe. Mstahiki Meya amebainisha kuwa bodi ya mikopo imepiga hatua zaidi kwani kwa sasa inafanya kazi zake kwa kutumia mifumo(paperless) kwa takribani asilimia 95,ambapo kuomba likizo na masuala mengine yote ya kitumishi yamewekwa kwenye  mifumo.

Kwa upande wake Meneja wa Bodi ya mikopo kanda ya Kaskazini Bi. Lucy Kirigha amemshukuru Mstahiki Meya kwa kufika kwake kuzindua maonesho hayo na kutoa wito kwa Watanzania wenye sifa za kupata mikopo kutosita kuomba mkopo pindi dirisha la kuomba litakapofunguliwa.


Maonesho hayo yamehudhuriwa na kudhaminiwa na taasisi mbalimbali ikiwa ni pamoja na NMB Benki,CRDB Benki,Tengeru Institute of Community Development,Arusha Technical college,NHIF,Chuo kikuu cha SAUT,Chuo kikuu cha Nelson Mandela,Chuo cha Madini,MWECAU,TANAPA,Chuo kikuu cha Arusha,Chuo kikuu cha Tumaini na UTT-AMIS.





Maoni

Chapisha Maoni

Machapisho maarufu kutoka blogu hii

WAGOMBEA,WANACHAMA WA CCM VILIO JUU YA KURA ZA MAONI HAI

Picha
Hai. Mchakato wa kura za maoni wa Chama Cha Mapinduzi (CCM) katika Jimbo la Hai, Kilimanjaro, umelalamikiwa na baadhi ya wagombea na wanachama wakidai umejaa dosari ikiwemo rushwa, usafirishaji wa wajumbe na upendeleo wa wazi kutoka kwa baadhi ya viongozi. Wanachama hao wamedai kuwa licha ya chama kuwa na utaratibu wa kuhakikisha uchaguzi wa ndani unasimamiwa kwa haki, wilayani Hai kulikuwa na changamoto nyingi zenye kuondoa uhalali wa mchakato huo. Baadhi ya hoja zilizotolewa ni pamoja na majina ya wajumbe halisi kutokuwa bayana, kuruhusiwa kwa wajumbe wasio halali, huku wengine wakidaiwa kupiga kura zaidi ya mara moja. Aidha, makatibu wa kata walitajwa kushiriki kampeni za kumpigia debe aliyekuwa Mbunge wa Hai, Saashisha Mafuwe. Katika Kata ya Machame Kaskazini, Katibu wa Kata, Silaa, alisimamishwa baada ya kudaiwa kuandika barua kwa makanisa na misikiti akihimiza wananchi kumpigia kura Mafuwe. Inadaiwa kuwa katika kata za Masama, Rundugai na Machame Mashariki, walikamatwa watu wakiw...
Endelea kusoma

BARAZA LA ARDHI LAFUTA KESI YA ARDHI KUTOKANA NA DOSARI ZA KISHERIA

Picha
Katika maombi hayo namba 83/2025 yalifunguliwa na Chemli Mallya dhidi ya Anna Mallya (ambaye ni shemeji yake),mgogoro unaotajwa kuwepo kwa zaidi ya miaka 10 tangu mume wa Anna ambaye ni kaka wa Chemli, Mathias Mallya,aliyefariki mwaka 2010 Moshi.Baraza la Ardhi na Nyumba la Wilaya ya Moshi limelifuta shauri la ardhi linalowahusisha wanaukoo wa Mallya baada ya kubaini kuwa mleta maombi alikiuka amri ya awali ya marekebisho ya hati ya maombi. Uamuzi huo umetolewa Februari 24,2026 na Mwenyekiti wa Baraza hilo,Hussen Lukeha, baada ya kukubaliana na pingamizi la awali lililowasilishwa na mjibu maombi. Shauri hilo la maombi namba 83/2025 lilifunguliwa na Chemli Mallya ambaye ni mkazi wa Kijiji cha Sisamaro, Kata ya Kibosho Okaoni,Wilaya ya Moshi Mkoa wa Kilimanjaro,mgogoro uliodumu kwa zaidi ya miaka 10. Mjibu maombi katika shauri hilo ni Anna Midimito, mjane wa marehemu Mathias Mallya aliyefariki mwaka 2010, ambaye alikuwa mdogo wa mleta maombi,Chemli Mallya. Akitoa uamuzi huo Mwenyekiti hu...
Endelea kusoma

TAWIRI YAWAKARIBISHA WADAU KUFANYA TAFITI KATIKA SPISHI MUHIMU YA SOKWE

Picha
Mkurugenzi wa Kituo cha Utafiti wa Wanyamapori Magharibi kilichopo Kigoma ambacho ni miongoni mwa vituo vitano vya TAWIRI, *Dr. Angela Mwakatobe* ametoa wito kwa watafiti na wadau kuendeleza mashirikiano ya tafiti za wanyamapori hususani spishi muhimu ya sokwe pamoja na kusambaza matokeo ya tafiti hizo kwa umma ili kuwa na uhifadhi endelevu wa sokwe hapa nchini. Dkt. Mwakatobe amesema hayo wakati wa ziara ya Kamati ya MeiMosi 2025 kutoka TAWIRI Makao Makuu iliyofanyika katika Hifadhi ya Taifa Gombe, ikiwa ni safari ya pongezi kutoka kwa Mkurugenzi Mkuu TAWIRI baada ya kamati hiyo kufanya maandalizi na mikakati iliyopelekea TAWIRI kushinda Kombe la Mshindi wa Pili katika maadhimisho ya sherehe ya MeiMosi 2025 mkoa wa Arusha. Aidha, Dkt. Mwakatobe amebainisha kuwa tafiti endelevu za Sokwe ni muhimu kwani wapo hatarini kutoweka (endangered) kufuatia idadi yao kupungua kwa kasi hali ikisababishwa na uharibifu mkubwa wa makazi yao ya asili.  “Sokwe wana umuhimu mkubwa katika uwian...
Endelea kusoma