UKATILI WA KIJINSIA KILIMANJARO POLISI WAJA NA MKAKATI MPYA WA ELIMU


Jeshi la Polisi Mkoa wa Kilimanjaro limezindua kampeni mpya iitwayo "Tuwambie Kabla Hawajaharibiwa," ikiwa na lengo la kupambana na vitendo vya ukatili wa kijinsia dhidi ya watoto, ambavyo vimezidi kushika kasi katika mkoa huo.

Akizungumza wakati wa uzinduzi huo, Mkuu wa Dawati la Jinsia na Watoto Mkoa wa Kilimanjaro, Mrakibu wa Polisi Asia Matauka, alisema kuwa kampeni hiyo inalenga kuelimisha jamii juu ya namna ya kuzuia vitendo vya ukatili kabla ya kuathiri watoto. 

“Tangu Januari hadi Agosti 2023, tulipokea kesi 415 za ubakaji na ulawiti, lakini mwaka huu kwa kipindi hicho hicho zimeripotiwa kesi 285. Hata kama idadi inaonekana kupungua, bado hali si salama. Tunahitaji kuendelea kutoa elimu ili matukio haya yasitokee kabisa,” alisema Matauka.

Alieleza kuwa baadhi ya matukio hayo yanachangiwa na imani za kishirikina ambapo wazazi au walezi huwafanyia watoto vitendo vya ukatili kwa matarajio ya mafanikio. Matauka alisisitiza umuhimu wa kuelimisha jamii ili kuondoa imani hizi potofu.

Kwa niaba ya Mkuu wa Mkoa wa Kilimanjaro, Mkuu wa Wilaya ya Rombo, Raymond Mwangwala, aliipongeza Jeshi la Polisi kwa kuanzisha kampeni hiyo na kuizindua rasmi katika ukumbi wa Shule ya Polisi Moshi (TPS).

“Polisi wa zamani walikuwa wanaogopwa, lakini sasa polisi ni kimbilio la raia. Polisi wa sasa hawashughulikii tu kukamata wahalifu, bali wana jukumu la kusimamia maendeleo ya jamii na kutoa ushauri,” alisema Mwangwala.

Alieleza kuwa Jeshi la Polisi linafanya kazi kubwa ya kutoa elimu kwa jamii, kusaidia watoto walioko kwenye mazingira hatarishi, na kuwasaidia kwa kuwasiliana na taasisi zinazoweza kutoa msaada wa kisheria.

Mwenyekiti wa Shirikisho la Malezi na Ulinzi wa Jamii Tanzania Mkoa wa Kilimanjaro (SMAUJATA), Immaculata Mwigani, aliongeza kuwa shirika lake litaendelea kushirikiana na Jeshi la Polisi katika kampeni hiyo, licha ya changamoto ya ukosefu wa rasilimali. 

“Hata kama hatuna magari wala pesa, tunafanya juhudi za kutembelea nyumba kwa nyumba kutoa elimu kwa jamii kuhusu madhara ya ukatili wa kijinsia. Changamoto kubwa ni wazazi kuwaachia watoto wao bila uangalizi, hali inayosababisha watoto hao kuwa katika hatari kubwa,” alisema Mwigani.

Jeshi la Polisi limesema kuwa kampeni hiyo inalenga kuwafikia vijana wa shule za sekondari na vyuo vikuu, ili kuhakikisha wanajitambua na kuepuka vitendo vya ukatili. Elimu itaendelea kutolewa katika maeneo yote ya Mkoa wa Kilimanjaro.

“Kampeni hii itatusaidia kwa kiasi kikubwa kuzuia ukatili kabla ya kuharibu maisha ya watoto wetu,” alihitimisha Mrakibu Matauka.









Maoni

Chapisha Maoni

Machapisho maarufu kutoka blogu hii

WAGOMBEA,WANACHAMA WA CCM VILIO JUU YA KURA ZA MAONI HAI

Picha
Hai. Mchakato wa kura za maoni wa Chama Cha Mapinduzi (CCM) katika Jimbo la Hai, Kilimanjaro, umelalamikiwa na baadhi ya wagombea na wanachama wakidai umejaa dosari ikiwemo rushwa, usafirishaji wa wajumbe na upendeleo wa wazi kutoka kwa baadhi ya viongozi. Wanachama hao wamedai kuwa licha ya chama kuwa na utaratibu wa kuhakikisha uchaguzi wa ndani unasimamiwa kwa haki, wilayani Hai kulikuwa na changamoto nyingi zenye kuondoa uhalali wa mchakato huo. Baadhi ya hoja zilizotolewa ni pamoja na majina ya wajumbe halisi kutokuwa bayana, kuruhusiwa kwa wajumbe wasio halali, huku wengine wakidaiwa kupiga kura zaidi ya mara moja. Aidha, makatibu wa kata walitajwa kushiriki kampeni za kumpigia debe aliyekuwa Mbunge wa Hai, Saashisha Mafuwe. Katika Kata ya Machame Kaskazini, Katibu wa Kata, Silaa, alisimamishwa baada ya kudaiwa kuandika barua kwa makanisa na misikiti akihimiza wananchi kumpigia kura Mafuwe. Inadaiwa kuwa katika kata za Masama, Rundugai na Machame Mashariki, walikamatwa watu wakiw...
Endelea kusoma

BARAZA LA ARDHI LAFUTA KESI YA ARDHI KUTOKANA NA DOSARI ZA KISHERIA

Picha
Katika maombi hayo namba 83/2025 yalifunguliwa na Chemli Mallya dhidi ya Anna Mallya (ambaye ni shemeji yake),mgogoro unaotajwa kuwepo kwa zaidi ya miaka 10 tangu mume wa Anna ambaye ni kaka wa Chemli, Mathias Mallya,aliyefariki mwaka 2010 Moshi.Baraza la Ardhi na Nyumba la Wilaya ya Moshi limelifuta shauri la ardhi linalowahusisha wanaukoo wa Mallya baada ya kubaini kuwa mleta maombi alikiuka amri ya awali ya marekebisho ya hati ya maombi. Uamuzi huo umetolewa Februari 24,2026 na Mwenyekiti wa Baraza hilo,Hussen Lukeha, baada ya kukubaliana na pingamizi la awali lililowasilishwa na mjibu maombi. Shauri hilo la maombi namba 83/2025 lilifunguliwa na Chemli Mallya ambaye ni mkazi wa Kijiji cha Sisamaro, Kata ya Kibosho Okaoni,Wilaya ya Moshi Mkoa wa Kilimanjaro,mgogoro uliodumu kwa zaidi ya miaka 10. Mjibu maombi katika shauri hilo ni Anna Midimito, mjane wa marehemu Mathias Mallya aliyefariki mwaka 2010, ambaye alikuwa mdogo wa mleta maombi,Chemli Mallya. Akitoa uamuzi huo Mwenyekiti hu...
Endelea kusoma

TAWIRI YAWAKARIBISHA WADAU KUFANYA TAFITI KATIKA SPISHI MUHIMU YA SOKWE

Picha
Mkurugenzi wa Kituo cha Utafiti wa Wanyamapori Magharibi kilichopo Kigoma ambacho ni miongoni mwa vituo vitano vya TAWIRI, *Dr. Angela Mwakatobe* ametoa wito kwa watafiti na wadau kuendeleza mashirikiano ya tafiti za wanyamapori hususani spishi muhimu ya sokwe pamoja na kusambaza matokeo ya tafiti hizo kwa umma ili kuwa na uhifadhi endelevu wa sokwe hapa nchini. Dkt. Mwakatobe amesema hayo wakati wa ziara ya Kamati ya MeiMosi 2025 kutoka TAWIRI Makao Makuu iliyofanyika katika Hifadhi ya Taifa Gombe, ikiwa ni safari ya pongezi kutoka kwa Mkurugenzi Mkuu TAWIRI baada ya kamati hiyo kufanya maandalizi na mikakati iliyopelekea TAWIRI kushinda Kombe la Mshindi wa Pili katika maadhimisho ya sherehe ya MeiMosi 2025 mkoa wa Arusha. Aidha, Dkt. Mwakatobe amebainisha kuwa tafiti endelevu za Sokwe ni muhimu kwani wapo hatarini kutoweka (endangered) kufuatia idadi yao kupungua kwa kasi hali ikisababishwa na uharibifu mkubwa wa makazi yao ya asili.  “Sokwe wana umuhimu mkubwa katika uwian...
Endelea kusoma